Кентау қаласының тұрғыны Сымбат Анарбаева мемлекеттен қайтарымсыз грант жеңіп, массаж орталығын ашты. Бұл қадамға оны өз өміріндегі ең үлкен себеп – ерекше баласы жетелеген. Баласын аяққа тұрғызу, денсаулығын жақсарту мақсатында және өзі сияқты ерекше бала тәрбиелеп отырған аналарға көмек көрсету үшін осындай орталық ашуды жөн көрген.
Грант қаражатына балаларға арналған гидро-ванна, ЛФК құрылғылары, артокофрик секілді қажетті жабдықтар алынды. Қазіргі таңда орталықта 6 маман жұмыс істеп, тұрғындарға сапалы қызмет көрсетуде.
Сымбаттың бастамасы – тек кәсіп қана емес, мейірім мен қамқорлыққа негізделген әлеуметтік маңызы бар іс.
Ақпарат көзі : https://www.gov.kz/memleket/entities/turkestan-kentau-kalasy/press/news/details/1054188?lang=kk
Жауап қалдыру Жауапты болдырмау