БАҚ ӨКІЛДЕРІНЕ «AULIEATA LIBRARY» МОБИЛЬДІ ҚОСЫМШАСЫ ТАНЫСТЫРЫЛДЫ

Ш.Уәлиханов атындағы Жамбыл облыстық әмбебап ғылыми кітапханасы өңірдің рухани өміріне тың серпін беретін жаңа жоба ұсынды. Жаңа заманға сай «Aulieata library» мобильді қосымшасы – ұлттық қазынаны цифрлық форматта оқырманға жеткізуді мақсат еткен алғашқы бастамалардың бірі.

 

Қосымшаға бүгінде Жамбыл өңірінен шыққан 24 қаламгердің шығармалары енгізілген. Оның ішінде:

•7 проза жанрындағы,

•18 поэзия жанрындағы туынды бар.

 

Сонымен қатар, арнайы екі кітап қосылды:

•журналист Алтынбек Қартабайдың «Тараз өркениет өрімдерінің куәгері»,

•қаламгер Асылжан Шайдилдаевтың «Қарахан баба мен Айша бибі» атты еңбектері.

 

Қазіргі таңда қосымшада барлығы 26 кітап орналастырылған. Жоба алдағы уақытта да жаңа шығармалармен толықтырыла береді.

 

Қосымшаның басты артықшылықтары:

📚 Қолжетімділік – кез келген смартфоннан жеке кітапхана қалыптастыруға мүмкіндік;

🌐 Интернетсіз оқу – бір рет жүктеп алған кітаптарды оффлайн режимде оқи аласыз;

📖 Жеке сөре жүйесі – «Менің кітапханам» бөлімінде сүйікті кітаптарды сақтап, кез келген уақытта қайта оралуға болады;

✍️ Интерактивті орта – пікір қалдыру, достармен бөлісу мүмкіндігі;

🌍 Рухани миссия – жамбылдық қаламгерлердің еңбектерін кең аудиторияға таныстыру.

 

Жобаның негізгі мақсаты – жастарды кітап оқуға тарту. Қазіргі заманның цифрлық үрдісін ескерсек, смартфон мен планшет арқылы қолжетімді оқу форматы – жас буынға кітапты жақындатудың тиімді жолы.

 

«Aulieata library» – дәстүрлі кітап оқуды жаңа технологиялармен үйлестіре отырып, қоғамды оқу мәдениетіне шақыратын, рухани жаңғыруға қызмет ететін маңызды қадам.

 

Бұл бастама Жамбыл облысы әкімдігінің қолдауымен, облыс әкімдігі мәдениет және тілдерді дамыту басқармасы мен Ш.Уәлиханов атындағы облыстық ғылыми-әмбебап кітапханасының ұйымдастыруымен жүзеге асты.

 

Айта кетейік, мобильді қосымшаны App Store немесе Google play-ден жүктей аласыз.