Өскемен қаласында қаланың жергілікті атқарушы органдары қызметінің бюджет қаражатын пайдалану тиімділігіне жүргізген аудит қорытындысы бойынша анықталған бұзушылықтарды жою бағытында жүйелі жұмыс жалғасуда. Шығыс Қазақстан облысы бойынша Тексеру комиссиясымен жүргізілген аудит бірқатар кемшіліктерді айқындап, оларды кезең-кезеңімен түзету қадамдары қолға алынды.
Тапсырмалардың бір бөлігі орындалды – нәтижесі көзге көрінерлік. Мәселен, Есенберлин даңғылында мердігер өз қаражаты есебінен жол жабындысын қалпына келтірді, AB-Residence тұрғын үй кешені маңындағы ақаулар жойылып, асфальт жабындысының отырған жері тегістелді.
Басқа мердігер ұйым облыстық драма театры маңындағы Солжағалау кешенінің аумағында құрылыс жұмыстарына байланысты қираған жолдарды жөндеді. Сондай-ақ, Қазақстан көшесінен Қабанбай батыр көшесіне дейінгі аумақта абаттандыру элементтері жаңартылып, қала тұрғындарының танымал демалыс орнына айналды – әсіресе жақында абаттандырылған көпір асты аймағымен үйлесім тапты.
Славский атындағы жағалауындағы Ұлы Отан соғысы мемориалдық кешені де назардан тыс қалған жоқ – қаптаудағы барлық ақаулар жойылды.
Стратегиялық маңызды нысан – Қазақстан көшесі бойындағы Ертіс өзені арқылы өтетін көпірге ерекше көңіл бөлінді. Мемлекеттік аудиторлардың ұсынымы негізінде жол қозғалысының қауіпсіздігі мен жайлылығын қамтамасыз ету үшін жол жамылғысын қалпына келтірудің кешенді жоспары әзірленді. Жұмыстардың аяқталуы келесі жылы күтілуде.
Қалған тапсырмалардың орындалуы мен ұсынымдардың іске асырылуы Тексеру комиссиясының тұрақты бақылауында.
Ақпарат көзі : https://www.gov.kz/memleket/entities/revkomvko/press/news/details/1054757?lang=kk
Жауап қалдыру Жауапты болдырмау