Алматыда ТЖД «ӨС және АҚЖҚ» мемлекеттік мекемесі Жедел құтқару жасағында жеке құрам арасында «Басты міндет – тероризмнен сақтану» тақырыбында семинар-сабақ өткізілді.
Іс-шараның мақсаты: терорлық қауіп-қатерден сақтану және тәртіпсіздіктер кезінде жеке құрамды дұрыс әрекет етуге бағыттау бойынша сабақ жүргізу.
Аталған іс-шараға Денсаулық сақтау басқармасының «Жұмылдыру жұмыстары және мемлекеттік құпияларды қорғау» бойынша бас маманы Ербол Әлібаев пен ҚР ТЖМ «Апаттар медицинасы орталығы» психологі Жазира Досаева қатысты.
Іс-шараның барысында Жедел құтқару жасағы басшысының орынбасары Мейрамбек Доспенбетов жеке құрамға арнайы шақырылған қонақтарды таныстырды. Құтқару бөлімшесінің бас құтқарушы-психолог Жанар Бегманова жеке құрамға «Басты міндет – тероризмнен сақтану» тақырыбында презентация көрсетті.
Қаланың Денсаулық сақтау басқармасының «Жұмылдыру жұмыстары және мемлекеттік құпияларды қорғау бойынша бас маманы Ербол Әлібаев өзінің тәжірибесімен бөлісе отырып, дәріс оқыды.
Жазира Досаева «Менің көңіл-күйім» тақырыбында психологиялық тренинг жүргізді. Тренингтің мақсаты: қатысушылардың психоэмоционалды көңіл-күйлерін көтеру, өз-өзін ретке келтіру, бір-біріне ұжымда сенімділік білдіру болды.
Семинар-сабаққа келген қатысушылар мамандарға өздерінің көкейтесті сұрақтарын қойып, жауап алды.
Іс-шараның соңында бас құтқарушы-психолог Жанар Бегманова жеке құрам атынан қонақтарға ризашылығын білдірді.
Материал Алматы қаласы бойынша
Терроризмге қарсы комиссия аппаратының
ақпараты негізінде дайындалды
Ақпарат көзі : https://www.gov.kz/memleket/entities/antiterrosticheskiy-centr/press/news/details/1056371?lang=kk
Жауап қалдыру Жауапты болдырмау