Мұғалжар аудандық мәслихатының ХАБАРЫ !

Мұғалжар аудандық мәслихатының 

ХАБАРЫ

 

Аудандық мәслихат «Қазақстан Республикасындағы сайлау туралы» Қазақстан Республикасының Конституциялық Заңының 10 бабының 3 тармағына сәйкес әр түрлі себептермен учаскелік сайлау комисссияларының құрамынан шығып қалған комиссия мүшелерінің орнына кандидатураларды ұсынудың басталғанын хабарлайды.

Саяси партия сайлау комиссиясының құрамына осы саяси партияның мүшесi болып табылмайтын кандидатура ұсынуға құқылы. 

Саяси партиялардың ұсыныстары болмаған жағдайда, мәслихаттар сайлау комиссиясын өзге қоғамдық бiрлестiктердiң және жоғары тұрған сайлау комиссияларының ұсынысы бойынша сайлайды.          

Саяси партиялар, өзге де қоғамдық бірлестіктер, олардың құрылымдық бөлімшелері және құрылатын сайлау комиссияларынан жоғары тұрған сайлау комиссиялары аудандық мәслихатқа мынадай құжаттарды тапсырады: 

1) тиісті сайлау комиссияларының құрамына кандидаттар ұсыну туралы саяси партия органының, өзге қоғамдық бірлестіктің, олардың құрылымдық бөлімшелерінің отырысы хаттамасынан үзінді көшірме, жоғары тұрған сайлау комиссиясының шешімінен үзінді көшірме;

2) саяси партияның, өзге қоғамдық бірлестіктің, олардың құрылымдық бөлімшелерінің әділет органдарында тіркелгені туралы құжаттың көшірмесі;

3) кандидаттың сайлау комиссиясының жұмысына қатысуға келісімі туралы белгіленген нысандағы өтініші;

4) сайлау комиссияларының құрамына кандидаттар туралы электрондық және қағаз форматта жасалған, белгіленген нысандағы мәліметтер;

Сайлау комиссиясының құрамына ұсынылатын адам Сайлау туралы Конституциялық заңның талаптарына сәйкес келуге тиіс. Сайлау комиссиясының мүшесi тиiстi комиссия орналасқан әкiмшілік-аумақтық бiрлiк аумағында тұруға тиiс. 

Мәслихатқа ұсынылатын қағаз форматтағы барлық құжаттарға қол қойылған, мөрмен расталған болуға және орындалған күнін, орындаушы туралы, оның аты-жөні мен телефон нөмірі көрсетілген белгіні қамтуға тиіс.

Ұсыныстарды қабылдау 2025 жылғы 25 тамыздан бастап 2025 жылғы 8 қыркүйекке дейін.

Мұғалжар аудандық мәслихаты

Мәслихаттың орналасқан жері: Қандыағаш қаласы, Тәуелсіздік даңғылы, 16.

Жауапты адам – Утенова Роза Кенжегараевна, каб. №213, ұялы телефон 87058365095, қалааралық телефон коды (871333), қызметтік телефон 3-24-61, факс нөмірі 3-04-16, электрондық почта maslixat_2010@mail.ru.

 

Сайлау комиссиялары бойынша бос орындар:

 

Учаскелік  сайлау комиссиялары	Бос орындар
№308 учаскелік сайлау комиссиясы	1
№310 учаскелік сайлау комиссиясы	1
№573 учаскелік сайлау комиссиясы	1
№328 учаскелік сайлау комиссиясы	1
№341 учаскелік сайлау комиссиясы	1
№355 учаскелік сайлау комиссиясы	1

Ақпарат көзі : https://www.gov.kz/memleket/entities/maslihat-mugalzhar/press/news/details/1056320?lang=kk