Іс-шараға Алтай ауданы әкімінің орынбасары Ж.А. Аскарова, білім беру мекемелерінің басшылары, педагогтар, педагогикалық еңбек ардагерлері және қоғам өкілдері қатысты.
Негізгі баяндаманы Алтай ауданы бойынша білім бөлімінің басшысы Бахытгуль Қалибековна Канафина 2024-2025 оқу жылының қорытындыларын шығарып, ауданның білім беру жүйесінің жетістіктерін атап өтті және жаңа оқу жылына арналған негізгі міндеттерді белгіледі. Олардың қатарында – білім сапасын арттыру, заманауи цифрлық технологияларды енгізу, адал азамат пен білікті маман қалыптастыруға бағытталған тәрбие жұмысын күшейту, сондай-ақ білім беру ұйымдарындағы оқушылардың кешенді қауіпсіздігін қамтамасыз ету мәселелері бар.
Алтай ауданы әкімінің орынбасары Жанна Аскаровна Аскарова өз сөзінде мұғалім мамандығының айрықша маңыздылығын, оның өскелең ұрпақты тәрбиелеудегі және қоғамды дамытудағы рөлін атап өтті. Жанна Аскаровна білім беру саласындағы басым бағыттарды белгілеп, 2025-2026 оқу жылына бірқатар нақты тапсырмалар берді. Оның ішінде әлеуметтік осал топтағы балалармен жұмысты күшейту, оқыту сапасын арттыру, мектептерде кәсіби бағдар беру жұмысын дамыту, сондай-ақ мектептер мен ата-аналар қауымдастығы арасындағы өзара ынтымақтастықты нығайту міндеттері бар.
Конференция конструктивті диалог аясында өтті. Педагогтар өзекті мәселелерді талқылап, тәжірибе алмасып, алдағы оқу жылына арналған бағыт-бағдарын айқындады.
Ақпарат көзі : https://www.gov.kz/memleket/entities/vko-altai/press/news/details/1056876?lang=kk
Жауап қалдыру Жауапты болдырмау