Ақтөбе облысының жұмыспен қамтуды үйлестіру және әлеуметтік бағдарламалар басқармасының басшысы Лаззат Уразбаева «слесарь-сантехник» мамандығы бойынша қысқа мерзімді кәсіби оқыту курстарының түлектерімен кездесті. Кездесу барысында түлектерге оқуды аяқтағаны жөнінде тиісті куәліктер табысталды.
Қазақстан Республикасының 2024–2029 жылдарға арналған еңбек нарығын дамыту тұжырымдамасы аясында 2025 жылы Ақтөбе облысында 540 адамды қысқа мерзімді кәсіби курстарда оқыту жоспарланып отыр.
Курстардың негізгі мақсаты – еңбек нарығының қажеттіліктеріне сәйкес жұмысшы кадрларды даярлау, жұмыссыз азаматтарды қайта даярлау және оларды тұрақты жұмыспен қамтуға жәрдемдесу. Оқыту бағдарламасы нақты жұмыс берушілердің сұраныстары негізінде жүзеге асырылады.
Еңбек нарығындағы нақты сұранысты және жұмыс берушілердің өтінімдерін ескере отырып, ниет білдірушілер «слесарь-сантехник» мамандығы бойынша «Intel Групп» ЖК жанындағы оқу орталығына оқуға жіберілді. Тыңдаушылар үш айлық курсты аяқтап, тиісті сертификаттарға ие болды. Оқу кезеңінде қатысушыларға ай сайын шәкіртақы төленді.
Курсты аяқтаған барлық түлектер «слесарь-сантехник» мамандығы бойынша міндетті түрде тұрақты жұмысқа орналастырылады.
Ақпарат көзі : https://www.gov.kz/memleket/entities/aktobe-social/press/news/details/1056756?lang=kk
Жауап қалдыру Жауапты болдырмау