Мәртөк ауданында «БІЛІМ КЕЛЕШЕГІ: АДАЛ АЗАМАТ ЖӘНЕ КӘСІБИ МАМАН» тақырыбындағы аудандық тамыз кеңесі өтті.

📌Іс-шарада ауданның білім саласының даму барысы мен жаңа оқу жылына қойылатын негізгі міндеттер айқындалды.

Облыстық білім басқармасының басшысы Бұлбұл Кузембаева ауданның жетістіктерін айтып, білім саласының өзекті мәселелеріне назар аударды.

Аудан әкімі Медет Ысқақов білім беру саласындағы инфрақұрылымдық жетістіктерді атап өтіп, ұстаздарды жаңа оқу жылының басталуымен құттықтады.

Білім бөлімінің басшысы Асет Есалин жаңа оқу жылының басымдықтарын атап өтті:

Жаңа оқу жылы «Адал азамат» бағдарламасымен басталады;

2025 жыл – Жұмысшы мамандықтар жылы, кәсіптік бағдар жұмыстары күшейтіледі;

Ауданда жаңа STEM-зертханалар мен пән кабинеттері ашылып, заманауи құрал-жабдықтармен толықтырылды;

Сарыжарда 300 орындық жаңа «Келешек мектебі» іске қосылды.

Конференция қорытындысында білім сапасын арттыру, құндылықтарға негізделген тәрбие беру, педагогтердің кәсіби дамуын қолдау бағыттары белгіленді.

Ақпарат көзі : https://www.gov.kz/memleket/entities/aktobe-martuk-akkudyk/press/news/details/1056697?lang=kk