2025 жылғы 25 тамыз күні Павлодар облысы бойынша Экономикалық тергеу департаментінің конференц-залында мұнай өнімдерінің көлеңкелі айналымының алдын алуға арналған дөңгелек үстел отырысын өткізді.
Іс-шараға ЭТТД басшысының орынбасары Р.А. Арғынбеков, көлік прокурорының орынбасары Е.К. Сағымбеков, ҰҚК ШҚД басшысының орынбасары Р.Т. Нұғыманов, ЛІІБ бастығының орынбасары Д.Т. Сеитов, Павлодар облысы бойынша МКД басқармаларының басшылары Т.К. Тусетаев және Д.Т. Оспанов, сондай-ақ «ҚТЖ» ҰК АҚ өкілдері қатысты.
Мәжіліс барысында Қазақстан Республикасы мен Ресей Федерациясы арасындағы баға айырмашылығынан туындаған ашық түсті мұнай өнімдерін елден заңсыз әкету мәселесінің өзектілігі атап өтілді.
ҚР Энергетика министрлігінің қолданыстағы бұйрығына сәйкес, барлық көлік түрлерімен осындай мұнай өнімдерін шығаруға тыйым салу 2025 жылғы қарашаға дейін ұзартылды.
Кеден одағының ішкі шекарасында стратегиялық орналасуы және ұзақ көлiктiк инфрақұрылымы бар Павлодар облысы айрықша бақылау аймағында орналасқан.
Дөңгелек үстел қатысушылары ведомствоаралық өзара іс-қимылды күшейту, шекаралық өткізу пунктерінде бақылауды нығайту және мұнай өнімдерінің заңсыз айналымын алдын алу бойынша шараларды талқылады.
Павлодар облысы бойынша ЭТТД өңірдің экономикалық қауіпсіздігін қорғауды және қолданыстағы заңнаманы сақтауды қамтамасыз ете отырып, осы бағыттағы жұмысты үйлестіруді жалғастырады.
Ақпарат көзі : https://www.gov.kz/memleket/entities/afm-pavlodar/press/news/details/1056765?lang=kk
Жауап қалдыру Жауапты болдырмау