Бүгін Мәскеуде Тәуелсіз Мемлекеттер Достастығына қатысушы мемлекеттердің бас прокурорлары орынбасарларының кездесуі өтті.
Кездесу барысында прокуратура органдарының өкілдері халықаралық өзара іс-қимыл, заңдылықты қамтамасыз етуге бағытталған бірлескен шаралар, сондай-ақ өңірлік қауіпсіздік мәселелері мен перспективаларын талқылады.
Қазақстан Республикасы Бас Прокурорының орынбасары Ғалымжан Қойгелдиев мұндай кездесулердің тәжірибе алмасу және ТМД елдерінің прокуратура органдары арасындағы тұрақты диалогты дамыту үшін қажет екендігін атап өтті.
Іс-шараға қатысушылар алдағы уақытта экстремизмге, терроризмге және заңсыз көші-қонға қарсы іс-қимыл салаларында көпжақты келісімдерге қол қоюға ерекше назар аударды.
Ғ.Қойгелдиевтің айтуынша, бұл бастамалар халықаралық-құқықтық ынтымақтастықты кеңейтудің және азаматтардың құқықтарын бірлесіп қорғаудың жаңа қадамы болуы тиіс.
ТМД елдерінің өкілдері кәсіби диалогты нығайтуға және бірлескен бастамаларды жүзеге асыруға дайын екендерін растады.
Қазақстандық делегация басшысы атап өткендей, жедел ынтымақтастық пен сенімді серіктестікті, сондай-ақ қылмыспен күрес және халықаралық қауіпсіздік саласында прокуратура органдарының міндеттерін табысты шешілуі манызды.
Сонымен қатар ол іздестірудегі тұлғаларды экстрадициялау және нақты қылмыстық істер бойынша құқықтық көмек көрсету мәселелері бойынша бірқатар екіжақты кездесулер өткізді.
Бас прокуратураның баспасөз қызметі
Ақпарат көзі : https://www.gov.kz/memleket/entities/prokuror/press/news/details/1058429?lang=kk
Жауап қалдыру Жауапты болдырмау