Ауданымызда 30 тамыз – Қазақстан Республикасының Конституциясы күніне арналған мерекелік іс-шара өтті.

Жарияланды:

29/08/2025 10:27

—

Автор:

Ауданымызда 30 тамыз – Қазақстан Республикасының Конституциясы күніне арналған мерекелік іс-шара өтті.
Ата Заңымыз – мемлекетіміздің тұғыры, тәуелсіздігіміздің берік негізі, ел бірлігінің басты кепілі.

Мерекелік жиында аудан әкімінің орынбасары Е.Күзенбаев құттықтау сөз сөйлеп, тұрғындарды ұлық мерекемен құттықтады. Сондай-ақ іс-шара аясында ауданның әлеуметтік-экономикалық дамуына айрықша үлес қосып жүрген азаматтарға аудан әкімінің Алғыс хаттары табысталды. Бұл – туған жердің өркендеуіне еңбегі сіңген жандарға көрсетілген лайықты құрмет.

Бағдарлама барысында халықаралық ареналарда өнер көрсетіп жүрген әншілер мен бишілер сахнада өнер көрсетіп, сыбызғы мен жанды дауыста орындалған әуендер мерекелік көңіл-күй сыйлады. Балалар үшін аниматорлар қызықты ойындар ұйымдастырып, көрермендерге қуаныш пен шаттық сыйлады.

Баршаңызды Конституция күнімен құттықтаймыз! Ел бірлігі мен ынтымағы арта берсін!