Бүгін, 2025 жылғы 29 тамызында ҚР ҰЭМ Табиғи монополияларды реттеу комитеті «ҚазТрансОйл» АҚ-ның магистральдық құбырлар арқылы мұнай тасымалдау бойынша (Қазақстан Республикасының ішкі нарығында) кейбір реттеліп көрсетілетін қызметтеріне тарифтер мен тарифтік сметаларды жеңілдетілген тәртіппен бекіту өтінімі бойынша жария тыңдаулар өткізді.
Жария тыңдаулар ТМРК мұнай және газ тасымалдау саласындағы реттеу басқарма басшысының міндетін атқарушы Толыбаев Ербол Жақсылықұлының төрағалығымен өткізілді, ол қатысушыларды іс-шараны өткізу тәртібімен таныстырды.
Ол барлық мүдделі тараптардың белсенді қатысуының маңыздылығын атап өтіп, оларды өтінім бойынша ұсыныстар мен ескертулер беруге шақырды. «Жария тыңдауларды өткізудің мақсаты – ашықтықты, жариялылықты, ақпараттандыруды қамтамасыз ету және тұтынушылар мүдделерінің теңгерімін сақтау», – деп атап өтті Е. Толыбаев.
Іс-шараға «ҚазТрансОйл» АҚ -ның басшылығы, бұқаралық ақпарат құралдарының өкілдері, сондай-ақ басқа да мүдделі тұлғалар қатысты.
Тарифті бекітудің жеңілдетілген тәртібі бойынша өтінімге қатысты баяндама жасаған – «ҚазТрансОйл» АҚ тарифтік реттеу басқарма бастығының орынбасары Орынбаев Азамат Жахангірұлы.
Жария тыңдаулар офлайн режимде өткізілді және «Zoom» қосымшасы арқылы көрсетілді, бұл мүдделі тұлғаларға нақты уақыт режимінде сұрақтар қоюға мүмкіндік берді.
Іс-шара соңында ТМРК мұнай және газ тасымалдау саласындағы реттеу басқарма басшысы міндетін атқарушы ұсынылған жобаның алдын ала екенін және түпкілікті шешім «ҚазТрансОйл» АҚ -ның өтінімін ҚР заңнамасында белгіленген мерзімдер мен тәртіппен мұқият қарау қорытындысы бойынша қабылданатынын еске салды.
Ақпарат көзі : https://www.gov.kz/memleket/entities/krem/press/news/details/1059280?lang=kk
Жауап қалдыру Жауапты болдырмау