ҚР Адам құқықтары жөніндегі уәкілдің Жамбыл облысы бойынша өкілі Еркін Қуанышев Тараз қаласы әкімдігінің ішкі саясат бөліміне қарасты «Жастар ресурстық орталығы» КММ-де жастармен кездесті.
Іс-шараның негізгі мақсаты -жастар арасында құқықтық сауаттылықты арттыру, олардың өз құқықтары мен міндеттерін білуіне ықпал ету, адам құқықтарын қорғаудың маңыздылығын түсіндіру, сондай-ақ құқықтық мәдениетті қалыптастыру.
Кездесу барысында Өкіл қатысушыларға Қазақстан Республикасының Конституциясында, сондай-ақ БҰҰ Бас Ассамблеясы қабылдаған Адам құқықтарының жалпыға бірдей декларациясында көзделген негізгі құқықтар мен бостандықтар, оларды қорғау тетіктері және Адам құқықтары жөніндегі уәкіл институтының қызметі мен өкілеттіктері туралы кең көлемде түсіндірме берді.
Шара соңында жастар өздерін толғандырған сұрақтарын қойып, тәжірибелік кеңестер алды.
Ақпарат көзі : https://www.gov.kz/memleket/entities/ombudsman-zhambyl-oblysy/press/news/details/1058276?lang=kk
Жауап қалдыру Жауапты болдырмау