Мемлекет Басшысы Қасым-Жомарт Тоқаев 2025 жылғы 15 тамызда «Білім келешегі: адал азамат, кәсіби маман» тақырыбындағы тамыз конференциясының пленарлық отырысында сөйлеген сөзінде балалардың әл-ауқаты, олардың денсаулығы, сапалы білімі мен білім беру үдерісі үшін жағдайлар Қазақстанның болашағын тікелей айқындайтынын атап өтті.
Оқу жылының басталуы білім беру объектілерін даярлау мәселелерімен айналысатын барлық мүдделі ведомстволардан жауапкершілікті, жеделдікті және кәсіптік тәсілді талап етеді.
Жергілікті атқарушы органдарынан, білім бөлімдері өкілдерінен тұратын мониторингтік комиссиялар білім беру объектілерінің жаңа оқу жылына дайындығын тексерді. Санитариялық-эпидемиологиялық бақылау органдарымен чек-парақтар әзірленді және санитариялық-эпидемиологиялық талаптарды сақтау мәселесі бойынша консультациялар өткізілді. Облыстағы 520 мектептің 4 мектеп-бақшасы мен 8 мектеп-интернатты қоса алғанда, барлығы мониторингпен қамтылды.
Санитариялық-эпидемиологиялық бақылау қызметімен жазғы демалысқа шығар алдында әкімдіктерге, білім басқармасына, аудандық білім бөлімдеріне жаңа оқу жылына жөндеу жұмыстарын аяқтау қажеттілігі және білім беру объектілеріне қойылатын санитариялық-эпидемиологиялық талаптарды сақтау туралы 30-дан астам хат жолданды.
Жыл соңына дейін 19 білім беру нысанының (9 мектеп (оның ішінде 3 ыңғайлы) және 10 мектепке қосымша ғимараттың) құрылысын аяқтау жоспарлануда.
2025 жылы 12 мектепке күрделі жөндеу жүргізілуде.
Жаңа оқу жылына дайындық барысында санитариялық-эпидемиологиялық мониторинг шеңберінде балалар киімінің 64 үлгісіне, оның ішінде мектеп формасының 29 үлгісіне, сондай-ақ, мектеп рюкзактарының 11 үлгісіне іріктеу және санитариялық-эпидемиологиялық сараптама жүргізілді. Зертханалық зерттеулердің нәтижелері бойынша 13 үлгі таңбалауға сәйкес келмейді, қалған зерттеулер жұмыс барысында.
Аумақтық басқармалардың мамандары ұйымдасқан ұжымдарда тамақтануды ұйымдастыруға қойылатын санитариялық-эпидемиологиялық талаптар, тамақтан уланудың алдын алу, балалар мен жасөспірімдердің денсаулығын сақтау және нығайту мәселелері бойынша тамақтану қызметтерін көрсететін кәсіпкерлер, білім беру объектілерінің әкімшілігі үшін белсенді ақпараттық-ағарту жұмыстарын жүргізеді.
64 семинар өткізілді, БАҚ-та 27 мақала жарияланды, радиорубкаларда 19 сөз сөйлеу ұйымдастырылды, 1910 әңгіме өткізілді, 289 дәріс оқылды. Департаменттің және аумақтық басқармалардың әлеуметтік желілердегі аккаунттарының беттерінде 395 жарияланым орналастырылды. 11 дөңгелек үстел, 15 акция, 66 ашық есік күні ұйымдастырылды, тұрғындармен 15 жиын өткізілді және 1047 парақша таратылды.
Білім беру және тәрбиелеу объектілерінде санитариялық-эпидемияға қарсы салауаттылықты қамтамасыз ету мәселесі Жамбыл облысының санитариялық-эпидемиологиялық бақылау органдарының бақылауында.
Ақпарат көзі : https://www.gov.kz/memleket/entities/departament-kkbtu-zhambyl/press/news/details/1059286?lang=kk
Жауап қалдыру Жауапты болдырмау