2025 жылғы 16 қазанда ҚР Қаржы министрлігінің Мемлекеттік кірістер комитеті төрағасының орынбасары Қайрат Жұмағұловтың төрағалығымен тасымалдау саласының өкілдері – кедендік брокерлер мен тасымалдаушылар қауымдастықтарының қатысуымен кездесу өткізілді.
Кездесу барысында тасымалдаушылар тап болып жүрген негізгі мәселелер талқыланды.
Қатысушылар көлік-логистика қызметтері саласында тұрақты даму мақсатында ашық диалог пен бірлескен күш-жігердің маңыздылығын атап өтті.
Мемлекеттік кірістер комитеті қатысушылардың ұсыныстары мен ескертпелерін қабылдауға дайын екенін білдіріп, кері байланыстың сәтті өзара іс-қимылдың негізі екенін атап өтті. Ерекше назар брокерлер қызметін кәсібилендіруге, тасымалдаушылар арасындағы құқықтық мәдениетті дамытуға және логистиканы жетілдіруге аударылды.
Тасымалдаушылар қауымдастықтары мемлекеттік органдар мен тасымалдау процесіне қатысушылар арасындағы күш-жігерді үйлестіре алатын негізгі серіктестер ретінде айқындалды.
Кездесу шеңберінде тасымалдаушылар тап болатын проблемалық мәселелерді шешу жөніндегі өзара іс-қимыл шаралары талқыланып, жүктердің шекарадан өту рәсімдерін оңайлату жөніндегі ұсыныстар қарауға қабылданды.
Кездесу барысында Мемлекеттік кірістер комитеті электрондық кезек жүйесін жетілдіру, көлік заңнамасын дамыту және транзиттік тасымалдау кезінде алдын ала ақпараттандыру тетіктерін қолдану бағытында енгізілген жаңашылдықтарды атап өтті.
Сонымен қатар, шетелдік рұқсат бланкілерін паритеттік айырбастау және кеден өкілдерінің (брокерлердің) қызметіне қатысты проблемалық мәселелер талқыланды.
Бизнес-қоғамдастық өкілдері логистикалық инфрақұрылымды дамытуға, тасымалдаушылар мен кеден брокерлерінің кәсіби деңгейін арттыруға қатысты бірқатар нақты ұсыныстар енгізді.
Өз кезегінде Комитет тығыз өзара іс-қимыл жасауға және көмек көрсетуге дайын екенін білдіріп, мемлекет пен бизнестің бірлескен жұмысы Қазақстанның көлік-логистикалық әлеуетін тұрақты дамытудағы негізгі фактор болып табылатынын атап өтті.
Кездесу соңында қатысушылар өзара іс-қимыл нақты нәтижелерге қол жеткізіп, көлік инфрақұрылымының дамуына және осы секторға қатысушылардың жұмыс жағдайларын жақсартуға оң әсер ететініне сенім білдірді.
Ақпарат көзі : https://www.gov.kz/memleket/entities/kgd/press/news/details/1088319?lang=kk
Жауап қалдыру Жауапты болдырмау