Құрметті жерлестер!
Сіздерді мемлекетіміз үшін айрықша мәні бар мереке — Республика күнімен құттықтаймын!
Бұл тарихи күн еліміздің мемлекеттік құрылымын қалыптастыру жолындағы маңызды кезең.
Бүгінде еліміз демократиялық құндылықтарды берік ұстанып, саяси жүйесін жаңғырту, экономиканы әртараптандыру және азаматтық қоғамды дамыту бағытында тұрақты ілгерілеп келеді.
Ортақ Отанымыздың өркендеуі әрбір азаматтың ел дамуына қосқан үлесімен айқындалады. Сондықтан туған жерге тілекші, мемлекет ісіне жанашыр болу – баршамыздың абыройлы міндетіміз. Еліміздің ілгері дамуы мен тұрақтылығы жолындағы ортақ мақсатымыз жүзеге аса берсін.
Сіздерге мықты денсаулық, отбасыларыңызға амандық, жұмыстарыңызға береке-бірлік тілеймін!
Тәуелсіз еліміздің тұғыры биік, мерейі үстем болсын!
Мақаншы ауданы мәслихатының төрағасы Болат Өтегенұлы Биболов
Ақпарат көзі : https://www.gov.kz/memleket/entities/makanshy-maslihat/press/news/details/1093334?lang=kk
Жауап қалдыру Жауапты болдырмау