20-23 қазан аралығында Сербияның Нови-сад қаласында өткен 23 жасқа дейінгі спортшылар арасындағы грек-рим күресі бойынша әлем чемпионаты өз мәресіне жетті. Грек-рим күресінен палуандарымыз 10 салмақ дәрежесінде ел намысын қорғап, құрамамыз әлем біріншілігіне 10 салмақ бойыншы толық құрамда бақ сынады. Құрама қоржынында үш медаль бар, бір күміс, екі қола медаль.
55 кг салмақ дәрежесі Ерасыл Мамырбеков әлем чемпионатының жартылай финалына дейін күресіп, жартылай финалда ресейлік палуан Алибек Амировтан 7:3есебімен ұтылды. Отандасымыз қола үшін белдесуінде үндістандық спортшыға есе жіберіп, Әлем чемпионатын төртінші орынмен аяқтады.
60 кг салмақ дәрежесі Исхар Қурбаев іріктеу кезеңінен сүрінбей өтіп, 1/8 кезеңінде қырғызстандық палуан Қуаныш Ариновға 9:0 есебімен есе жіберіп, Әлем чемпионатының 1/8 кезеңінен сүрініп, жарыс жолын аяқтады.
63 кг салмақ дәрежесі Нұрдәулет Қапас іріктеу кезеңінен аса алмады. Нұрдәулет іріктеу кезеңінде Молдова спортшысына 9:0 есебімен ұтылып, келесі кезеңге өте алмады.
67 кг Сабаз Бағдат Әлем біріншілігін 1/8 кезеңінен аяқтады. Спортшымыз іріктеу кезеңінде қытайлық палуанды 8:7 есебімен ұтып,1/8 кезеңіне жолдама алған болатын. Өкінішке қарай спортшымыз 1/8 кезеңінде Африка құрлығының спортшысына есе жіберді.
72 кг салмақ дәрежесі Мерей Мәулітханов Әлем чемпионатының қола жүлдегері атанды. Спортшымыз 1/8 кездесуінде болгариялық қарсыласына ұпай бермей 8:0 есебімен басым түсіп, белдесуді уақытынан бұрын аяқтады.
1/4 кезеңінде қарсыласы түркиялық палуан Ерен Улкугеде бал жібермей айқын басымдылықпен ұтқан болатын. Есеп 9:0
Қола үшін белдесуінде қарсыласы ресейлік палуан Даниил Григорьевті айқын басымдылықпен ұтты, есеп 10:0.
77 кг салмақ дәрежесі Елдос Кәмелов 1/8 кезеңінен жарыс жолын аяқтады. Спортшымыз Иран палуаны Малек Мохаммедке ұтылды. Есеп 10:5
82 кг салмақ дәрежесі Омар Сатаев Әлем чемпионатының қола жүлдесін қанжығасына байлады. Жарыс барысында палуанымыз Египет өкілі, Африка чемпионы Мохамед Диабты (4:2) және Пан-Американ біріншілігінің жүлдегері Диего Торресті таза жеңіспен ұтты. Ширек финалда былтырғы U23 әлем чемпионы Александрин Гутуға жол берсе де, жұбаныш белдесуінде Жапония палуаны Реон Какегаваны айқын басымдықпен жеңіп, шешуші белдесуде Омар Бельгия спортшысы Ибрахим Табаевты 10:8 есебімен жеңіп, жүлделі орынды қанжығасына байлады.
87 кг салмақ дәрежесі Сайлау Мақсат 1/8 кезеңінен өте алмады. Спортшымыз Франция палуанына 3:1есебімен есе жіберді.
97кг салмақ дәрежесі Юсуф Мациев Әлем чепионатының күміс жүлдесін ел қоржынына салды. 1/8 белдесуінде Юсуф Жапон палуаны Кио Китауакиді 2:1 есебімен ұтты.
1/4 кездесуінде палуанымыз Армения палуаны Аршак Гегамянмен күресіп 4:0 есебімен ұтып жартылай финалға өткен болатын.
1/2 Ресей палуаны Максим Аверинді 9:1айқын басымдылықпен жеңіп , Әлем біріншілігінің ақтық бәсекесіне жолдама алды.
Финалда Юсуф Мациев Украина өкілі Егор Якушенкоға есе жіберді. Есеп 6:1
130 кг салмақ дәрежесі Джохар Узаров 1/8 кезеңінен өте алмай жарыс жолын аяқтады. Отандасымыз ресейлік палуанға ұтылды.
Жалпы командалық есепте Қазақстан құрама командасы 72 ұпаймен алтыншы орынға тұрақтады.
Фото: United world wrestling
Ақпарат көзі : https://www.gov.kz/memleket/entities/sport/press/news/details/1093498?lang=kk
Жауап қалдыру Жауапты болдырмау