БАЛЫҚ ҚҰТҚАРУ “ОПЕРАЦИЯСЫ” СӘТТІ АЯҚТАЛДЫ.

Алғабас ауылдық округі, М. Қаналиев атындағы мектептің оқушыларынан құралған “Экорқорғаушылар” бүгінде акциялардың жай қолдаушысына емес, табиғи байлықты сақтау жолындағы қозғаушыларға айналды.

Тәлімгер Нұрболат Жұмағазиев пен оның жанындағы табиғат жанашырлары жақында ауыл маңындағы өзен үзіндісінде қалып қойған балықтарды құтқару “операциясын” өткізді.

Шарапатты шараға ауылдың жанашыр азаматы Еркін ағай да қосылған. да оқушылармен бірге барып, өз қолдауын көрсетті. Біз ол кісіге үлкен алғысымызды білдіреміз!

Резеңке костюм киген оқушылар балықтарды сүзіп алып, Аңқатф өзеніне жіберді. Шағын айдында бірнеше жәшік балық қалып қойыпты. Су тартылса не қатса – тіршілік иелері өледі деген сөз. Білектей сазандарды да, алақандай тұқы шабақтарын да қырылуға қимайсың!

– Балықтарды құтқару – тек экологиялық жұмыс емес, бұл – тіршілік иесіне деген қамқорлық пен мейірімділіктің айғағы. “Эко қорғаушылардың” бұл әрекеті – табиғатқа деген сүйіспеншіліктің жарқын үлгісі.

Су — тіршілік көзі, ал оны мекендеген жануарлардың өмірі – біздің ортақ жауапкершілігіміз.

Табиғатқа жанашырлық – жүректен басталады! – дейді Нұрболат мұғалім.

Бауыржан ШИРМЕДИНҰЛЫ,

Сырым ауданы