ЕЛ ЕРКІНДІГІНІҢ МЕРЕКЕСІ

Сырым ауданы әкімдігінің үлкен мәжіліс залында Республика күніне арналған салтанатты жиын өтті.

Мерекелік жиынға аудан әкімі Жұмагелді Батырниязов қатысып, құттықтау сөз сөйлеп, аудан тұрғындарын Республика күнімен құттықтады. Ол еліміздің Тәуелсіздік жылдарындағы жетістіктерін атап өтіп, бірлік пен ынтымақтың, елжандылықтың маңызын ерекше атап өтті. «Күміс алқа» мемлекеттік наградасын көп балалы аналар — Жетікөл ауылдық округінен Сырым мектеп-бөбекжай-балабақша кешенінің балабақша тәрбиешісі Тұрсынай Жұбанғалиева, Жымпиты ауылдық округінен Сырым аудандық сотының бас маманы Алмагүл Ишанғалиеваға табыстады.

Мереке барысында ауданның әлеуметтік-экономикалық дамуына үлес қосқан бірқатар азаматтар марапатталды.

Марапат иелеріне Батыс Қазақстан облысының жұмыспен қамтуды үйлестіру және әлеуметтік бағдарламалар басқармасының, облыстық аумақтық сайлау комиссиясының және аудан әкімінің, аудандық мәслихаттың, «Аманат» партиясы аудандық филиалының, сондай-ақ, «Қызмет» БҚО мемлекеттік мекемелер қызметкерлері салалық кәсіподағының атынан алғыс хаттар табыс етілді.

Шынар МОЛДАНИЯЗОВА