«Заң мен тәртіп» акциясы аясында Алматы қаласы Әділет департаментінің басшысы Балаим Туғанбайқызы Кесебаева және құқықтық түсіндіру жұмысы мен заңгерлік қызмет көрсету бөлімінің басшысы Айгүл Аманжолқызы Бақытымбетова №1 заң консультациясының адвокаттарымен кездесу өткізді.
Кездесу барысында азаматтарға тегін заң көмегін көрсетудің тиімді тетіктері, халықтың құқықтық сауаттылығын арттыру жолдары, сондай-ақ адвокаттардың кәсіби қызметін жетілдіру және өзара ынтымақтастықты нығайту мәселелері талқыланды.
Сонымен қатар, тараптар заң көмегінің сапасын арттыру, тұрғындарға құқықтық ақпаратты қолжетімді ету және құқықтық мәдениетті дамыту бойынша бірлескен іс-шараларды жүйелі түрде өткізу қажеттілігін атап өтті.
Мұндай кездесулер қоғамдағы құқықтық мәдениетті қалыптастыруға, азаматтардың өз құқықтары мен міндеттерін білуіне, сондай-ақ әділет органдары мен адвокаттар арасындағы тиімді әріптестікті дамытуға бағытталған маңызды қадам болып табылады.
Ақпарат көзі : https://www.gov.kz/memleket/entities/adilet-almaty/press/news/details/1093622?lang=kk
Жауап қалдыру Жауапты болдырмау