Кітапхана – адамдардың өміріне, болашағына ықпал етіп, жақсы бастамаға жол ашатын рухани қазына ордасы, білімнің киелі шаңырағы. Кітапханашы – күнделікті ақпарат ағынын оқырманға жетелеуші, кітапхананың бай қорын сақтаушы және насихаттаушы.
Ұлт ұстазы Ахмет Байтұрсынұлы «Кітап – өткенді танытатын кілт, болашаққа бастайтын жол» деп атап көрсеткен.
Мемлекет басшысы Қасым-Жомарт Кемелұлы Тоқаев кітапхана жұмысын жандандыруға әркез көңіл бөліп келеді.
Ағымдағы жылы 23 қазанда Кітапханашы күні кәсіби мерекесіне орай аудандық мәдениет үйінде «Кітапханашы – мәдениет жаршысы» атты мерекелік шара өтті.
Шараға Сарысу ауданының әкімі Сакен Мамытов, Сарысу аудандық мәслихат аппаратының басшысы Бақыт Жұмағұлов, бірқатар мекемелер, аудандық және ауылдық кітапхана саласының мамандары қатысты.
Аудандық мәслихат аппаратының басшысы Бақыт Жұмағұлов ауданның әлеуметтік-экономикалық дамуына қосқан елеулі үлесі мен жемісті еңбегі үшін және кәсіби мерекеге орай бірқатар кітапхана саласының мамандарын Сарысу ауданының Құрмет грамотасы және Сарысу аудандық мәслихатының Алғыс хатымен марапаттады. Шараның соңы аудандық мәдениет үйінің өнерпаздарының концерттік бағдарламасына ұласты.
Еліміздің бай, әрі көрнекті мәдени құндылықтарын дамытудағы кітапханашылардың еселі еңбектері үшін алғысымызды білдіреміз.
Ақпарат көзі : https://www.gov.kz/memleket/entities/maslihat-sarysu/press/news/details/1093688?lang=kk
Жауап қалдыру Жауапты болдырмау