2025 жылғы 25 қазанда Серебрянск қаласында еліміздің тәуелсіздігінің, бірлігі мен дамуының символы болып табылатын айтулы ұлттық мереке – Қазақстан Республикасының күніне арналған мерекелік концерт өтті. Бұл күннің барша азаматтар үшін маңызы ерекше, ұрпақтардың басын біріктіріп, бейбітшілік, келісім және қоғам бірлігінің маңыздылығын еске салады.
Мерекелік іс-шара қала өмірінің жарқын оқиғасына айналды. Сахна төрінде музыкалық композициялар мен билер орындалып, қуаныш пен патриоттық сезімге бөленді. Концерттік бағдарламада ел тарихына, салт-дәстүріне, жетістіктеріне құрмет көрсетіліп, бірлік пен ортақ болашаққа деген мақтаныш сезімі оятылды.
Серебрянск қаласының әкімі Н. Бақынова тұрғындарды Республика күнімен құттықтап, тұрақтылық пен дамудың іргетасы ретінде бейбітшілік пен азаматтық келісімді сақтаудың маңыздылығын атап өтіп, өз еңбегімен, бастамасымен қаланың көркеюіне үлес қосып жүрген жандарға Алтай ауданы әкімінің алғыс хаттарын табыстады.
Ақпарат көзі : https://www.gov.kz/memleket/entities/vko-altay-serebryansk/press/news/details/1093765?lang=kk
Жауап қалдыру Жауапты болдырмау