Бүгін Аққулы ауданының білім беру бөлімінің әдістемелік кабинеті күзгі демалыс кезеңіне арналған жұмыс жоспарына сәйкес аудан психологтарының кезекті отырысын өткізді.
Іс-шараның басты мақсаты – педагог-психологтердің кәсіби тәжірибе алмасуын, заманауи әдіс-тәсілдерді меңгеруін және педагогтарға психологиялық қолдау көрсетуді нығайту болды.
Күн тәртібіндегі бағдарлама «Мен жаңашыл мұғаліммін» атты практикалық семинар-тренингтен басталды. Бұл тренингті «Айгөлек» бөбекжай-бақшасының психологі Камила Төлеуова жүргізіп, мұғалімдердің эмоционалды көңіл-күйін көтеру, өзіне деген сенімділігін арттыру және жаңартылған білім мазмұны аясында психологиялық қолдау көрсету жолдарын талқылады.
Кездесудің келесі бөлімінде Аққулы ауылының жалпы орта білім беретін мектебінің педагог-психологі Назерке Успанова әріптестеріне арналған «Эбру» арт-терапиясын өткізді. Бұл шығармашылық сессия психологтардың ішкі күйін еркін білдіруге, эмоцияларын реттеуге және өзін-өзі тануға мүмкіндік берді.
Сонымен қатар мектептегі буллингтің алдын алу бағытындағы «ДОСБОЛLIKE» жобасы аясында Малыбай ЖОББМ педагог-психологі Айбану Асанова мен Аққулы ауылының ЖОББМ педагог-психологі Назерке Успанова бірнеше тренингтік жаттығуларды ұсынды.
Семинар соңында ассоциация жетекшісі Қымбат Әпсалық “Біз біргеміз” тренинг сабағымын аяқтады.
Ақпарат көзі : https://www.gov.kz/memleket/entities/pavlodar-bilim/press/news/details/1095485?lang=kk
Жауап қалдыру Жауапты болдырмау