Аудан әкімі тұрғындармен кездесіп, ауылдық округтің әлеуметтік-экономикалық дамуы, инфрақұрылым және өзекті мәселелер талқыланды. Жиын барысында Шақпақ ауылдық округінің әкімі Нұрбақыт Балтабаев атқарылған жұмыстар туралы жан-жақты баяндама жасады.
Демеушілік есебінен жүзеге асқан игі істер:
«Батыс Еуропа – Батыс Қытай» дәлізі бойында Шақпақата ауылына бұрылатын жол тұсына округ атауы жазылған еңселі стелла орнатылды;
2005 жылғы мектеп түлектерінің демеушілігімен орталық мешітке заманауи тазалық орны салынды, ауласы абаттандырылып, асханаға жөндеу жұмыстары жүргізілді;
50 жылдық түлектер орталық мешіт ауласына 20 түп шырша отырғызды;
«Туған жерге тарту» жобасы аясында Т.Дүйсебайұлы ауылында жаңа балалар ойын алаңы пайдалануға берілді.
Жылдық жоспарға сәйкес атқарылған жұмыстар:
«Таза Қазақстан» жобасы аясында Шақпақата ауылының кіреберісінде 1,1 гектар “Жасыл белдеу” жасалды;
Ардагерлерге арналған монументтер жаңартылды;
Шақпақата ауылында 1,9 шақырым жаяу жүргіншілер жолы салынды;
Заманауи кіші футбол алаңы пайдалануға берілді;
Ойын алаңдарының қоршаулары жаңартылып, түнгі жарық шамдары орнатылды;
Т.Дүйсебайұлы ауылындағы көшелер толық асфальтталды;
Бірқатар ауылдарда көше жарықтандыру жұмыстары жүргізілді;
Елді мекендерге жоғары жылдамдықты интернет тартылуда;
Ауыл аумағында тазалық жұмыстары атқарылды;
Қыс мезгілінде қар тазалау жұмыстары жүйелі жүргізілді.
Кездесу барысында тұрғындар өз сұрақтарын қойып, нақты жауаптар алды.
Аудан әкімі көтерілген мәселелер бақылауда болатынын және заң аясында тиісті жұмыстар атқарылатынын атап өтті.
Ақпарат көзі : https://www.gov.kz/memleket/entities/zhambyl-zhualy/press/news/details/1152011?lang=kk
Жауап қалдыру Жауапты болдырмау