Аудандық әкімдікте кәмелетке толмағандардың істері және олардың құқықтарын қорғау жөніндегі комиссияның отырысы өтті. Жиын барысында қазіргі қоғамдағы өзекті мәселелердің бірі – балалардың құқықтарын қорғау және олардың қауіпсіз, қолайлы ортада тәрбиеленуін қамтамасыз ету мәселелері талқыланды.
Отырыс аясында үш отбасының мәселесі қаралып, әрбір жағдай жан-жақты зерделенді. Комиссия мүшелері отбасындағы ахуалға ерекше мән беріп, кәмелетке толмаған балалардың мүддесін бірінші орынға қоя отырып, тиісті ұсыныстар мен нақты шешімдер қабылдады.
Мұндай отырыстардың басты мақсаты – алдын алу шараларын күшейту, отбасыларға уақтылы қолдау көрсету және балалардың құқықтарының бұзылуына жол бермеу. Бұл бағыттағы жұмыстар қоғамның тұрақтылығы мен жас ұрпақтың жарқын болашағын қамтамасыз етуге негіз болады.
Ақпарат көзі : https://www.gov.kz/memleket/entities/aktobe-kargala/press/news/details/1152346?lang=kk
Жауап қалдыру Жауапты болдырмау