Конституцияның жаңа мәтіні қалай дайындалды?
Қазақстан Республикасының Конституциясының жаңа мәтіні кең ауқымды талқылау мен жан-жақты сараптаудың нәтижесінде әзірленді. Бұл үдеріс ашықтық, қоғамдық қатысу және жауапкершілік қағидаттарына негізделді.
Конституциялық комиссия ұсынған түзетулер, жаңа нормалар мен өзге де өзгерістер жарты жылға жуық уақыт бойы жан-жақты пысықталды. Әрбір ұсыныс құқықтық, әлеуметтік және қоғамдық тұрғыдан мұқият қаралды.
Ата Заңды жаңарту барысында e-Gov және e-Otinish платформалары арқылы ел азаматтарынан, сарапшылардан, қоғам белсенділерінен және түрлі ұйымдардан көптеген ұсыныстар мен бастамалар келіп түсті. Бұл — Конституциялық реформаның халықпен бірлесіп дайындалғанын көрсететін маңызды көрсеткіш.
Жұртшылықтан Конституцияның құрылымы мен мазмұнына қатысты 2 мыңнан астам ұсыныс қабылданды. Олардың бірқатары жаңа редакцияда ескеріліп, құжаттың сапасын арттыруға ықпал етті.
Нәтижесінде, кең қоғамдық талқылау мен сараптамалық жұмыстың қорытындысы ретінде Конституцияның жаңа мәтінінің алғашқы нұсқасы дайындалды. Бұл – қоғамның сұранысын ескерген, болашаққа бағытталған маңызды құжат.
Ақпарат көзі : https://www.gov.kz/memleket/entities/zhambyl-shu/press/news/details/1152656?lang=kk
Жауап қалдыру Жауапты болдырмау