Ақмола облысы ҚАЖД №7 мекемеге қарасты инновациялық колледжде «Заң және тәртіп» атты зияткерлік-құқықтық ойын өтті.
Құқық — бұл тек құрғақ баптар ғана емес, сонымен қатар өмірлік жағдайларда дұрыс шешім таба білу! Колледж оқытушысы Ақсұңқар Қантарбаева заңдарды оқытуды нағыз құқықтық марафонға айналдырды. Қатысушылар бірқатар күрделі зияткерлік сынақтардан өтті. Студенттер тек жарысып қана қоймай, заңның шектеу емес, қоғамдағы әділдік пен тәртіптің берік негізі екенін түсіне білді.
«Студенттер зияткерлік ойындарға үлкен қызығушылықпен қатысады. Құқықтық марафонға алдын ала дайындалды, балалар қызығушылық танытып, ақпаратты мекеме кітапханасынан іздеді — кітапханамыз өте жақсы жабдықталған. Қорытындылау барысында тек дұрыс жауаптар ғана емес, қатысушылардың өз ойларын дәлелдей білу қабілеті де бағаланды. Студенттер дайындық деңгейінің жоғары екенін және тақырыпқа шынайы қызығушылық танытқанын көрсетті. Ойын нәтижесі бойынша жүлдегерлер грамоталармен марапатталды», — деп бөлісті Ақсұңқар Қантарбаева.
Ақпарат көзі : https://www.gov.kz/memleket/entities/duisaqmola/press/news/details/1154067?lang=kk
Жауап қалдыру Жауапты болдырмау