Өңірдегі қызылша, ЖРВИ мен тұмау бойынша эпидемиологиялық жағдай туралы

Бүгін өңірдегі қызылша, ЖРВИ мен тұмау бойынша эпидемиологиялық жағдай туралы «Ertis», «Ирбис» телеарналарына берген сұхбатында департаменттің бөлім басшысы Ақмарал Смағұлова айтып берді.

Мәселен, 2026 жылы Павлодар облысында қызылшаның 35 жағдайы тіркелді.

Қызылшамен ауырғандардың негізгі тобы – 14 жасқа дейінгі балалар, олар барлық қызылшамен ауырғандардың 88%-ын құрайды және 1 жасқа дейінгі балалар (12%), екпе алу жасына толмағандар.

Эпидемиологиялық жағдай бақылауда, барлық қажетті алдын алу және эпидемияға қарсы шаралар жүзеге асырылуда.

Қызылшадан қорғанудың жалғыз тиімді жолы – вакцинация.

Қызылша – жоғары қызба, бөртпе, жөтел және бас ауруымен сипатталатын жедел жұқпалы вирустық ауру. Ол өте жұқпалы, яғни қызылшаға қарсы вакцинацияланбағандардың барлығы дерлік қызылшамен ауыратын науқаспен байланыста болған кезде жұқтырылады.

2025/2026 жылғы эпидемиялық маусымның басынан бері облыста ЖРВИ-дің 123 586 жағдайы тіркелді. Алдыңғы эпидемиялық маусымның осы кезеңінде (2024-2025) ЖРВИ-дің 164 409 жағдайы тіркелді. Бұл жылдың осы мезгіліне тән аурушаңдық деңгейі, оған ауа райы жағдайлары, маусымдық вирустық белсенділік және басқа да факторлар әсер етеді. Тұмаудың (AH3N2 типті) зертханалық расталған 57 жағдайы тіркелді, оның ішінде 14 жасқа дейінгі балалар арасында – 32, 15-17 жастағы жасөспірімдер арасында – 3 және ересектер арасында – 22, оның ішінде – 1. Жүкті әйелдер арасында – 8.

Спикер ЖРВИ мен тұмаудан қорғау ең алдымен негізгі ережелерді сақтауды қамтитынын: сауда орталықтары, әуежайлар, теміржол вокзалдары, қоғамдық көліктер және т.б. сияқты көп адам жиналатын жерлерге барғанда маска кию, суық тиюдің алғашқы белгілері пайда болған кезде үйде болып, медицина қызметкеріне қоңырау шалу, ешбір жағдайда медициналық клиникаға, мектепке, балабақшаға не жұмысқа бармау керек екенін, себебі бұл инфекцияның таралуына әкелуі мүмкін, витаминдер тұтыну, жиі желдету және жеке гигиена сияқты басқа да алдын алу шаралары да өте тиімді екенін атап өтті.

Толық сұхбатты бүгін сағат 18:00-де «Ertis», сондай-ақ сағат 19:00 мен 20:00-де «Ирбис» телеарналарынан жаңалықтар бағдарламасынан көріңіздер.

Жіберіп алмаңыз!

Ақпарат көзі : https://www.gov.kz/memleket/entities/departament-kkbtu-pavlodar/press/news/details/1153953?lang=kk