Ақмола облысында ХХІ «Зерде» республикалық зерттеу жобалары мен шығармашылық жұмыстар конкурсы өтті. Еліміздің барлық өңірінен 347 оқушы қатысып, 272 ғылыми жоба қорғалды.
Математика, физика, химия, биология, информатика, роботтехника, STEM-инженерия және басқа да бағыттарды қамтыған байқауға қатысқан Шымкент қаласының 11 оқушының сегізі жоғары нәтиже көрсетіп, жүлделі орындарды иеленді.
Атап айтқанда, «Парасат» мектебінің 5 сынып оқушысы Айбар Әлім мен №47 мектептің 7 сынып оқушысы Қаламқас Идия 1-орын алса, №41 мектептің 7 сыныбында оқитын Асылжан Орал 2-орынды иеленді.
Ал Алуа Әлімхан (№26 мектептің 2 сынып оқушысы), Айзере Алдаберген (№52 мектептің 4 сынып оқушысы), Әлисұлтан Мұратбек (№143 мектептің 4 сынып оқушысы), Аруназ Мұрат (№141 мектептің 3 сынып оқушысы) және Бекарыс Махамбет (Samruk мектебінің 4 сынып оқушысы) 3-орыннан көрінді.
Ақпарат көзі : https://www.gov.kz/memleket/entities/shymkent-bilim/press/news/details/1154119?lang=kk
Жауап қалдыру Жауапты болдырмау