Жылыту маусымының тұрақты өтуін қамтамасыз ету Мемлекет Басшысының тапсырмаларында белгіленген басым бағыттардың бірі болып табылады.
Осыған байланысты Жітіқара ауданында бүгінгі таңда әлеуметтік маңызы бар объектілерде де, тұрғын үй секторында да жылумен жабдықтау жүйелерінің тұрақты жұмысы байқалады.
Ағымды жылыту кезеңі өтудің аралық қорытындысын аудан әкімдігінің тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімінің басшысы Рустем Жумашев айтты.
Оның айтуынша, жылыту маусымының басында барлық әлеуметтік маңызы бар нысандар дайындалды: 28 білім беру нысаны, 10 денсаулық сақтау нысаны, 28 әлеуметтік сала нысаны, 183 көппәтерлі тұрғын үй, сондай-ақ аз қабатты құрылыстар мен жеке сектор.
Жылыту жүйелерінің тұрақты жұмысы алдын ала және үйлесімді дайындықтың нәтижесі – деп атап өтті Жітіқара ауданының әкімі Аслан Жаныспаев. Атап айтқанда, Алтынсарин, Уәлиханов және Жібек жолы көшелеріндегі жылу желілерінің учаскелері қайта жаңартылды. Сонымен қатар, аудан басшысы қаржыландыруды тек 2025 жылдың желтоқсан айында алуына байланысты жобаны іске асыру белгілі бір қауіп-қатерлерге әкеп соққанын атап өтті. Осыған қарамастан, барлық жұмыстар “Житикаракоммунэнерго” МКК мен мердігерлік ұйымдардың нақты үйлестірудің арқасында белгіленген мерзімде орындалды.
Білім беру нысандарын жылыту маусымына дайындауға ерекше көңіл бөлінді. Ол үшін барлық мектеп қазандықтарына аудит жүргізген және қажетті іс-шаралар тізбесімен дайындық актілерін берген мамандандырылған ұйым тартылды. “Бұл жұмысты жыл сайын жүргізу керек”, — деді аудан әкімі.
Жылыту маусымы аяқталғаннан кейін оның өтуіне егжей-тегжейлі талдау жүргізу жоспарлануда. Атап айтқанда, 109 iKomek қызметіне келіп түскен өтініштер қаралады, сондай-ақ проблемалық мәселелерді анықтау және алдағы шешімдерді әзірлеу үшін ПИТК және МИБ басшыларымен жиналыс ұйымдастырылады.
Ақпарат көзі : https://www.gov.kz/memleket/entities/kostanai-zhitikarin-prirechnyi/press/news/details/1155038?lang=kk
Жауап қалдыру Жауапты болдырмау