Абай облысының полицейлері ерекше ерлік пен кәсібилік танытып, түнде қарлы боранның кесірінен қиын жағдайда қалған азаматқа жедел көмек көрсетті. Бородулиха аудандық полиция бөлімінің учаскелік инспекторы полиция аға лейтенанты Баяхметов Біржан Толеухановичтің бұл әрекеті жоғары азаматтық жауапкершілік пен нағыз кәсіби шеберліктің көрінісі болды.
Шемонаиха қаласының тұрғыны, өз көлігімен сапар шегіп бара жатып, Бородулиха – Шемонаиха автожолында қатты қарлы боранның ортасында қалып қойған. Аяздың бет қаратпас салқыны, жолды жауып кеткен қар мен қатты дауыл көліктің қозғалуын тоқтатып, жүргізуші ешқандай көмексіз, қиын жағдайда қалған еді. Бірақ, полиция қызметкері Баяхметов, ауа райының қандай қиындық туғызғанына қарамастан, көмекке келді.
Ол бірден оқиға орнына жетіп, көліктің қарға батып қалғанын көрген кезде, уақыт жоғалтпай, күрекпен көліктің алдындағы қарды күрей бастаған. Қарға батқан көлікті өз күшіне сүйеніп, жылдам әрі білікті түрде көлігімен тартып шығарды. Аяз бен қардың қиындығына қарамастан, ол бұл істі үлкен сабырлықпен әрі жедел орындады.
Абай облысының Полиция департаменті аса қажеттілік болмаса қолайсыз ауа райында жолға шықпауларыңызды тағы бір мәрте ескертеді.
Ақпарат көзі : https://www.gov.kz/memleket/entities/mvd-abay/press/news/details/1156726?lang=kk
Жауап қалдыру Жауапты болдырмау