Алматы қаласының Жұмыспен қамту және әлеуметтік бағдарламалар басқармасы 2026 жылғы 6 ақпан күні сағат 15:00-де Алматы қаласында «Қандас» мәртебесін беру жөніндегі комиссияның отырысын өткізді.

Күн тәртібінде бір мәселе қаралды:

2013 жылғы 22 шілдедегі №329-ө-м бұйрығымен бекітілген Қандас мәртебесін беру немесе ұзарту қағидаларының (бұдан әрі – Қағида) 9-тармағының 3), 4) және 5) тармақшаларына сәйкес, қандас мәртебесін беру туралы өтініш білдірген тұлғалардың құжаттары қаралды.

Атап айтқанда, қандас мәртебесін беру мәселесі өтініш берушінің:

– тұрғын үй мәселесін өз бетінше шешу мүмкіндігі бар;

– Қазақстан Республикасының аумағында тұрақты тұратын және Қазақстан Республикасының азаматы болып табылатын отбасы мүшелерімен немесе жақын туыстарымен қауышу мүмкіндігі болған жағдайда;

– сондай-ақ тұрғын үй мәселесін өз бетінше шешу мүмкіндігі бар жұмыс берушілердің шақыруы бойынша бос жұмыс орнына орналасу үшін не Қазақстан Республикасының жоғары оқу орындарында білім алатын этникалық қазақтарға қатысты қаралды.

Ақпарат көзі : https://www.gov.kz/memleket/entities/almaty-uzsp/press/news/details/1157263?lang=kk