Таза Қазақстан: Ақмола облысында «Таза Қазақстан – болашақтың өскіні» экологиялық квизі өтті
2026 жылғы 9 ақпанда Степногорск қаласында сағат 11:00 – де «Горняк» мәдениет үйінің базасында «Таза Қазақстан-болашақтың өскіні» экологиялық квизі өтті. Іс-шара қоршаған ортаның жай-күйін жақсартуға, экологиялық жауапкершілікті қалыптастыруға және халықтың экологиялық мәдениетінің деңгейін арттыруға бағытталған «Таза Қазақстан» республикалық экологиялық бағдарламасы шеңберінде өтті.
Экологиялық квизге 100 — ден астам адам қатысты-қала жастарының өкілдері, белсенділер мен еріктілер. Қатысушылар экологиялық бағыттағы сұрақтарға жауап берді, қоршаған ортаны қорғау, қалдықтарды сұрыптау және табиғи ресурстарды ұтымды пайдалану мәселелері бойынша ситуациялық міндеттерді шешті, сондай-ақ қаладағы экологиялық жағдайды жақсарту бойынша командалық ұсыныстар әзірледі. Талқылау барысында жастар сенбіліктер өткізу, қоқыстарды бөлек жинау және экологиялық акцияларды енгізу бойынша бастамалар ұсынды.
Квиз шеңберінде экологиялық ойлауды қалыптастыруға, табиғи ресурстарға жауапкершілікпен қарауға және қоршаған ортаны сақтау жөніндегі практикалық қадамдарға ерекше назар аударылды. Мұндай формат командалық жұмысты, экологиялық сауаттылықты және қатысушылардың белсенді азаматтық ұстанымын дамытуға ықпал етті. Іс-шараға Степногорск қаласы әкімінің орынбасары Дархан Қайырбайұлы Оспанов, сондай-ақ «Жаңа Ұрпақ» қоғамдық бірлестігінің басшысы Зарина Қайратқызы Сәлімова қатысты. Сөз сөйлеу барысында спикерлер қатысушыларды құттықтап, қалада жүзеге асырылып жатқан экологиялық жобалар туралы айтып, жастардың сұрақтарына жауап беріп, «Таза Қазақстан» бағдарламасына белсенді қатысуға шақырды.
«Таза Қазақстан – болашақтың өскіні» экологиялық квизі экологиялық жағдайды жақсарту және экологиялық жауапты өмір салтын ілгерілету мәселелерінде мемлекет пен қоғамның күш-жігерін біріктіруге бағытталған «Таза Қазақстан» республикалық бағдарламасын іске асырудың кезекті кезеңі болды.
#ТазаҚазақстан #ЧистыйКазахстан #TazaQazaqstan #TazaChallenge
Ақпарат көзі : https://www.gov.kz/memleket/entities/aqmola-stepnogorsk/press/news/details/1157463?lang=kk
Жауап қалдыру Жауапты болдырмау