Көлік саласын және Қазақстанның логистикалық әлеуетін дамыту
2025 жылы Қазақстанның көлік саласы елдің транзиттік-логистикалық әлеуетін нығайтуға, инфрақұрылымды жаңғыртуға және тасымалдардың тиімділігін арттыруға бағытталған жүйелі дамуды жалғастырды. Бұл бағыттар Мемлекет Басшысы Қасым-Жомарт Тоқаевтың тапсырмаларына сәйкес жүзеге асырылды, деп хабарлайды Primeminister.kz.
Қазақстан Еуропа мен Азия арасындағы негізгі буын болып табылады, “Шығыс – Батыс”, “Солтүстік – Оңтүстік” халықаралық көлік дәліздерін және Транскаспий халықаралық көлік бағытын дамыта отырып, Еуразия құрлық көпірінің рөлін дәйекті түрде арттыруда. Инфрақұрылымдық жобаларды іске асыру, жылжымалы құрамды жаңарту, көліктік бақылау саласында цифрлық шешімдерді енгізу және халықаралық маршруттық желіні кеңейту өңірдің негізгі транзиттік хабтарының бірі ретінде елдің позициясын нығайтуға ықпал етті.
2025 жылдың қорытындысы бойынша транзиттік тасымалдар көлемі 36,9 млн тоннаны құрады, бұл 2024 жылдың ұқсас кезеңінің көрсеткішінен 6,6% – ға артық (34,6 млн тонна).
Транзиттің өсуі автомобиль, теміржол, авиация және су көлігінің кешенді дамуының, сондай-ақ логистика саласындағы халықаралық ынтымақтастықты кеңейту жөніндегі дәйекті жұмыстың нәтижесі болды.
Ақпарат көзі : https://www.gov.kz/memleket/entities/kostanai-auliekol-moskalev/press/news/details/1161721?lang=kk
Жауап қалдыру Жауапты болдырмау