Арыс спорт клубы коммуналдық мемлекеттік мекемесінің ұйымдастыруымен «Ауған соғысында қаза тапқан жауынгерлерді еске алуға арналған» және «Сыбайлас жемқорлыққа жол жоқ» тақырыбы аясында Монтайтас ауылдық округінде мекемелер арасында ұлттық спорт түрлерінен жарыс өткізілді.

Жарыс бағдарламасына асық ату, ләңгі тебу, гір тасын көтеру, арқан тарту секілді ұлттық спорт түрлері енгізіліп, қатысушылар жоғары белсенділік пен ұйымшылдық танытты. Шараның басты мақсаты – ерлікпен қаза тапқан жауынгерлердің рухына тағзым ету, ұлттық спортты насихаттау және адалдық пен әділдік қағидаларын дәріптеу.

 

Жарыс қорытындысы бойынша:

1-орын – Б. Онтаев ЖББМ.

2-орын – «Балдырған» бөбекжайы.

3-орын – А. Тілеубердин ЖББМ.

 

Жарысқа қатысқан мекемелер:

«Монтайтас ауылдық округі әкімінің аппараты» ММ.

Б. Онтаев ЖББМ.

А. Тілеубердин ЖББМ.

Қабылсай ЖББМ.

Монтайтас ауылдық округінің ветеринария бөлімі.

«Балдырған-М» ЖШС бөбекжай-балабақшасы.

 

Барлық қатысушыларға, жеңімпаздарға және жарысты ұйымдастыруға атсалысқан азаматтарға алғыс білдіреміз. Ұлттық спортты ұлықтаған осындай тағылымды шаралар алдағы уақытта да жалғасын таба берсін!