КЕҢЕС ӘСКЕРЛЕРІНІҢ АУҒАНСТАН ЖЕРІНЕН ШЫҒАРЫЛҒАНЫНА – 37 ЖЫЛ

ИНТЕРНАЦИОНАЛИСТ-ЖАУЫНГЕР, АУҒАН СОҒЫСЫНЫҢ АРДАГЕРІ – АЙЗАҚ БИМЫРЗА САЛМЫРЗАҰЛЫ

1963 жылы 29 мамырда Қазалы ауданында дүниеге келген. 104 орта мектепті бітірісімен Отан алдындағы борышын өтеуге əскер қатарына шақырылған. 1982-1984 жылдар аралығында Ауғанстан жеріндегі әскери ұрыс-қимылдарына қатысқан.

Жат жерде намысты ту етіп, батырлық пен ерліктің ерек үлгісін көрсетіп, интернационалдық борышыңызды адал атқарған қайсар жауынгер елге аман-есен оралған соң, туған жері – Өркендеуде ауыл шаруашылығында механизатор болып 40 жылға жуық еңбек еткен. Отбасында жұбайымен бірге 4 бала тәрбиелеп-өсіріп, немерелерінің қызығына кенелуде.

Ол ауғандық ардагерлерге құрмет көрсету, есімдерін жас буынға насихаттау бағытында жыл сайын түрлі деңгейде ұйымдастырылатын мәдени-көпшілік іс-шаралардың белсенді қатысып, ұрпақ тәрбиесіне ерекше үлес қосып келеді.