Қазақстан Республикасының жаңа Конституциясы жобасын кеңінен насихаттау және оның негізгі бағыттарын түсіндіру мақсатында М.Жұмабаев атындағы мектеп-лицей ұжымымен кездесу өткізілді. Іс-шара барысында ұсынылып отырған конституциялық реформалардың мазмұны жан-жақты түсіндіріліп, олардың ел дамуы мен қоғам өміріндегі маңыздылығы кеңінен айтылды.
Кездесудің негізгі мақсаты – педагогикалық ұжымға Қазақстан Республикасының жаңа Конституциясы жобасының басты бағыттары мен басымдықтарын түсіндіру, азаматтардың құқықтық сауаттылығын арттыру және қоғамдағы маңызды саяси өзгерістер туралы толыққанды ақпарат беру болды. Жиын барысында қатысушыларға Конституция жобасына енгізілетін өзгерістер мен толықтырулардың мәні кеңінен түсіндірілді.
Атап айтқанда, жаңа Конституция жобасында азаматтардың құқықтары мен бостандықтарын қорғау тетіктерін жетілдіру, заң үстемдігін нығайту, мемлекеттік басқару жүйесінің тиімділігін арттыру және қоғамның саяси жаңғыруына бағытталған бастамалар туралы кеңінен айтылды. Сонымен қатар ұсынылып отырған өзгерістердің елдің тұрақты дамуына ықпал ететіні және мемлекет пен қоғам арасындағы өзара сенімді нығайтуға бағытталғаны атап өтілді.
Кездесу барысында мектеп-лицей ұжымы өз ой-пікірлерін білдіріп, ұсыныстарын ортаға салды. Қатысушылар тарапынан конституциялық реформалардың қоғам үшін маңызы туралы пікірлер айтылып, жаңа өзгерістерге қатысты сұрақтар қойылды. Жауапты мамандар тарапынан қойылған сұрақтарға нақты әрі жан-жақты жауаптар берілді.
Іс-шара барысында жалпыұлттық референдумның маңыздылығына ерекше назар аударылды. Конституциялық өзгерістерді қабылдау барысында әрбір азаматтың белсенділік танытып, ел болашағына бейжай қарамауы қажеттігі атап өтілді. Сонымен қатар референдумға қатысу – әрбір азаматтың азаматтық жауапкершілігінің көрінісі екені айтылды.
Кездесу ашық пікір алмасу форматында ұйымдастырылып, қатысушылар мен ұйымдастырушылар арасында еркін диалог орнады. Мұндай кездесулер тұрғындардың құқықтық мәдениетін арттыруға, конституциялық реформалардың мәнін тереңірек түсінуге және азаматтардың қоғамдық-саяси өмірге белсенді қатысуына ықпал етеді.
Қазақстан Республикасының жаңа Конституциясы жобасын түсіндіруге бағытталған ақпараттық-түсіндіру жұмыстары алдағы уақытта да жүйелі түрде жалғасатын болады.
Ақпарат көзі : https://www.gov.kz/memleket/entities/zhambyl-moyynkum/press/news/details/1168190?lang=kk
Жауап қалдыру Жауапты болдырмау