«Ертіс орманы» МОТР РММ аңшылықтанушылары жабайы жануарларды қысқы уақытта қосымша қоректендіру шараларын жалғастыруда. Суықтың түсуі және тұрақты қар жамылғысының қалыптасуына байланысты жануарларға азық табу қиындай түседі. Осыған орай, мамандар алдын ала дайындық жүргізіп, қоректендіру алаңдарын тұрақты түрде толықтырып отырады.
Орман алқаптарында арнайы жемшөп астаулары орнатылып, шөп, дәнді дақылдар және басқа да азық түрлері салынады. Жұмыстар қауіпсіздік техникасын сақтай отырып және табиғи аумақтардың ерекшеліктерін ескере жүргізіледі. Әсіресе тұяқты жануарлардың мекендейтін аймақтарына ерекше көңіл бөлінеді. Бұл олардың азық іздеп елді мекендерге шығуының алдын алуға мүмкіндік береді.
Жем-шөп орналастырумен қатар, аңшылықтанушылар жануарлар дүниесінің жай-күйіне тұрақты бақылау жүргізеді: іздерін тіркейді, санын бағалайды және қоректендіру алаңдарының сақталуын қадағалайды.
Қыс мезгілінде жабайы табиғатқа қамқорлық жасау — биоалуантүрлілікті сақтау мен орман экожүйелерінің тұрақты дамуына қосылған маңызды үлес. Бұл жұмыстар ауа райының қолайсыздығына қарамастан күн сайын жүргізіледі.
Ақпарат көзі : https://www.gov.kz/memleket/entities/sko-gm-kyrymbet/press/news/details/1167599?lang=kk
Жауап қалдыру Жауапты болдырмау