Жеке пайдалануға арналған тауарларды кедендік рәсімдеу тәртібі

Жеке пайдалануға арналған тауарларды кедендік рәсімдеу тәртібі

Қазақстан Республикасында жеке пайдалануға арналған тауарларды рәсімдеу ҚР кеден заңнамасына және ЕАЭО-ның бірыңғай ережелеріне сәйкес жүзеге асырылады.

—

Жеке пайдалануға арналған тауарлар дегеніміз не?

Жеке, отбасылық және тұрмыстық қажеттіліктерге арналған, бірге алып жүрілетін немесе ілеспейтін багажда тасымалданатын тауарлар.

—

Бажсыз әкелу нормалары (жаяу тәртіппен)

 Құны — 500 еуродан аспауы тиіс

 Салмағы — 25 кг-нан аспауы тиіс

 Жиілігі — айына 1 рет

 Нормалар бір адамға қолданылады

 Тек жеке пайдалану үшін (коммерциялық мақсатта емес)

—

Жасыл және қызыл коридор

Жасыл коридор — егер тауарлар белгіленген лимиттен аспаса.

Декларация толтыру талап етілмейді.

Қызыл коридор — лимиттен асқан жағдайда:
▪️ Жолаушылар кедендік декларациясы (ЖКД) толтырылады

▪️ Кедендік кіріс ордері (ККО) рәсімделеді

▪️ Кедендік төлемдер төленеді

 Төлемді «Kaspi.kz» мобильді қосымшасы арқылы жасауға болады.

—

Нормадан асқан жағдайда төлем

 Артық соманың 30%-ы

 Бірақ кемінде 1 кг үшін 4 еуро

 Бұл талап бөлуге келмейтін тауарларға (тоңазытқыш, диван, кір жуғыш машина және т.б.) қолданылмайды.

 Бірдей тауарларды жиі немесе көп мөлшерде әкелу коммерциялық әкелу ретінде бағалануы мүмкін.

—

Арнайы шектеулер

▪️ Алкоголь — 21 жастан бастап 3 литрге дейін бажсыз, 3–5 литр аралығы қосымша төлеммен.

▪️ Темекі — 200 сигарета немесе 50 сигара немесе 250 г темекі (21 жастан бастап).

▪️ Қолма-қол ақша — 10 000 АҚШ долларына дейін; одан асса міндетті түрде жазбаша декларациялау қажет.

—

 Белгіленген нормаларды сақтау — кедендік бақылаудан жылдам әрі кедергісіз өтудің кепілі.

Ақпарат көзі : https://www.gov.kz/memleket/entities/kgd-abay/press/news/details/1168034?lang=kk