PRO-жобалар – 2026: іске асатын идеялар

PRO-жобалар – 2026: іске асатын идеялар

2026 жылғы 26 ақпанда Рудный қаласындағы гимназия №2 базасында мектепке дейінгі, орта және техникалық және кәсіптік білім беру жаңашылдарын біріктірген облыстық TED-like конференциясы «PRO-жобалар» өтті.

95қатысушы
3 секцияда 39 спикер

Әдістемелік орталығы қолдауымен ұйымдастырылған іс-шара инновациялық тәжірибелер мен жобалық технологияларды ілгерілету алаңына айналды.

«Жобалар экожүйесі» көрмесінде мектепке дейінгі білімді цифрландыру, ерте кәсіптік бағдар беру және оқытуды геймификациялау бағытындағы әзірлемелер ұсынылды.

«Кадрдағы жобалар» секциясында қайырымдылық және болашақ медицина мамандарын даярлауда жасанды интеллектті қолдану туралы бейнероликтер ерекше қызығушылық тудырды.

Конференцияның басты оқиғасы кәсіптік бағдар, цифрлық платформалар, гуманитарлық тәжірибелер және экологиялық тәрбие мәселелеріне арналған TED форматындағы баяндамалар болды.

Қатысушылар ұсынылған кейстердің жоғары практикалық деңгейін атап өтті. Іс-шараға өзара сараптама форматы ерекше мән берді: жобалар мен баяндамаларды қатысушылардың өздері бағалап, сенімді кәсіби диалог пен мазмұнды кері байланыс алаңы қалыптасты.

 Барлық жобалар сарапшылар тарапынан жоғары бағаланып, облыстың білім беру ұйымдарының тәжірибесіне енгізуге ұсынылды.

Бүгін   жай ғана баяндамаларды емес, медициналық колледждерге арналған цифрлық платформалардан бастап бастауыш мектептегі геймификация жүйелеріне дейінгі дайын білім беру өнімдерін көрдік. “PRO-жобалар” конференциясы Қостанай облысының педагогтері цифрлық дәуірде өзгерістердің көшбасшысы болуға дайын екенін көрсетті  деп айтуға  болады.

PRO-жобалар — білім берудегі нақты шешімдер кеңістігі.

Ақпарат көзі : https://www.gov.kz/memleket/entities/kostanai-bilim/press/news/details/1171637?lang=kk