Бурыл ауылдық округіне қарасты спорт кешенінде Бурыл ауылдық округі әкімінің кубогі үшін баскетболдан (3х3) аймақтық турнир өтті. Бұқаралық спортты дамытуға бағытталған жарысқа елді мекен аумағындағы командалар қатысып, өзара мықтыны анықтады.
3х3 форматындағы баскетбол соңғы жылдары жастар арасында кеңінен танымал болып келеді. Аталған турнир де соның айғағы іспетті өтті. Қысқа уақытқа құрылған, бірақ қарқыны жоғары ойын барысында спортшылар жылдамдық, дәлдік және тактикалық шеберліктерін көрсетті.
Салтанатты ашылу рәсімінде ұйымдастырушылар қатысушыларға сәттілік тілеп, мұндай спорттық шаралардың ауыл жастарының бос уақытын тиімді өткізуіне және салауатты өмір салтын қалыптастыруға ықпал ететінін атап өтті.
Жарыс қорытындысы бойынша үздік нәтиже көрсеткен командалар арнайы кубок, Диплом және естелік сыйлықтармен марапатталды. Жеңімпаз команда Бурыл ауылдық округі әкімінің кубогіне ие болды.
Ақпарат көзі : https://www.gov.kz/memleket/entities/zhambyl-bayzak/press/news/details/1171827?lang=kk
Жауап қалдыру Жауапты болдырмау