Полиция майоры Дастан Ертаев Абай облысы Полиция департаментінің қалалық басқармасында криминалист болып қызмет атқарады. Оның жұмыс күні өзгелер тек оқиғаның салдарын ғана көретін жерден басталады. Көпшілік үшін бұл – аяқталған оқиға, ал ол үшін – ақиқатқа апарар жолдың бастауы.
Қылмыс орнында әрбір ұсақ-түйек маңызды. Көзге бірден көрінбейтін микробөлшектер, әрең байқалатын іздер, заттардың орналасу реті — мұның бәрі біртұтас көріністі қалыптастырады. Криминалист жорамалға сүйенбейді: ол әрбір деректі мұқият тіркеп, талдап, тексереді. Ешбір деталь назардан тыс қалмауы, әрбір мән-жайға объективті баға берілуі тиіс.
Дастан Ертаевтың жұмысы — дәлдік пен сабырлылықтың үлгісі. Ол оқиға барысын нақты деректер арқылы қайта қалпына келтіріп, көзге көрінбейтін іздерді бұлтартпас дәлелге айналдырады. Осындай дәлелдер тергеудің берік негізіне айналып, нұсқадан нақтыланған ақиқатқа сенімді түрде жетуге мүмкіндік береді.
Криминалист көбіне «кадр сыртында» қалады, бірақ оның еңбегі шешуші рөл атқарады. Біреу кінәсін жасыруға немесе жауапкершіліктен жалтаруға тырысқан жерде кәсіби сараптама бәрін өз орнына қояды. Заңға қарсы жасалған әрекет өздігінен жоғалып кетпейді — ол міндетті түрде із қалдырады. Сол із табылып, бекітіліп, дәлелденеді.
Қала өз тіршілігімен өмір сүріп жатқанда, криминалистер үнсіз әрі нақты жұмысын атқара береді. Өйткені әділдік орнауы, заң өз сөзін айтуы және заңды бұзған әрбір адам бір шындықты түсінуі керек: ешбір қателік уақыт өте келе із-түзсіз жоғалмайды.
Жауап қалдыру Жауапты болдырмау