Мұнайлы ауданы аумағында кәмелетке толмағандар арасындағы құқық бұзушылықтардың алдын алу мақсатында өткізіліп жатқан «Жасөспірім» жедел-профилактикалық іс-шарасы барысында кезекті заң бұзушылық дерегі тіркелді.
🔍 Оқиғаның мән-жайы:
Түнгі рейдтік іс-шаралар барысында ювеналдық полиция қызметкерлері ойын-сауық мекемелерінің бірінде заңды өкілінің (ата-анасының) еріп жүруінсіз жүрген кәмелетке толмаған жасөспірімді анықтады.
⚖️ Қабылданған шаралар:
Аталған дерек бойынша жасөспірімнің заңды өкілдеріне қатысты Қазақстан Республикасы Әкімшілік құқық бұзушылық туралы кодексі талаптарына сәйкес әкімшілік хаттама толтырылды.
Сондай-ақ, кәмелетке толмағанның түнгі уақытта болуына жол берген ойын-сауық мекемесінің иесіне қатысты да қолданыстағы заңнамаға сәйкес шара қабылданды.
💬 Ювеналдық полиция инспекторларының айтуынша, түнгі уақытта балалардың ойын-сауық орындарында немесе көшеде қараусыз жүруі олардың қауіпсіздігіне тікелей қатер төндіреді. Осыған байланысты ата-аналар мен кәсіпкерлерге заң талаптарын қатаң сақтау қажеттігі ескертілді.
🛡️ Ескерту: Сағат 22:00-ден кейін кәмелетке толмағандардың ата-анасының немесе заңды өкілдерінің еріп жүруінсіз ойын-сауық мекемелерінде болуына заңмен тыйым салынған.
Ақпарат көзі : https://www.gov.kz/memleket/entities/mvd-mangystau/press/news/details/1171987?lang=kk
Жауап қалдыру Жауапты болдырмау