Бүгін облыстық мәслихат төрағасы Бейбіт Жүсіпов алдағы Жалпыұлттық референдум және Қазақстан Республикасы Конституциясының жаңа жобасы бойынша ақпараттық-түсіндіру науқаны аясында Ерейментау ауданына жұмыс сапарымен барды.
Жоспарға сәйкес халықпен кездесулер Майлан, Торғай және Еркіншілік ауылдарында өтті.
Ақпараттық-түсіндіру жұмыстары барысында Бейбіт Айтымұлы жаңа Конституция жобасының негізгі ережелеріне жан-жақты тоқталып, ұсынылып отырған өзгерістер Негізгі заңның 80 пайыздан астам бабын қамтитынын атап өтті.
Сонымен қатар жаңа Конституция жобасы әділеттілік, заң мен тәртіп қағидаттарын нығайтуға, сондай-ақ адам капиталын, ғылым мен инновацияны дамытуға бағытталғанына ерекше назар аударды.
Кездесу барысында тұрғындар өздерін толғандырған сұрақтарын қойып, тиісті жауаптарын алды. Сондай-ақ сот жүйесін реформалау, Конституциялық сот институтын күшейту, азаматтардың тұрғын үй құқықтарын қорғау және жергілікті өзін-өзі басқаруды дамыту мәселелері талқыланды.
Іс-шараға Ерейментау аудандық мәслихатының депутаттары, жергілікті қауымдастық мүшелері және ауылдардың белсенді тұрғындары қатысты.
Кездесулер соңында мәслихат төрағасы аудан тұрғындарын алдағы республикалық референдумға белсенді қатысып, өз таңдауларын жасауға шақырды.
Ақпарат көзі : https://www.gov.kz/memleket/entities/maslikhat-aqmola/press/news/details/1175906?lang=kk
Жауап қалдыру Жауапты болдырмау