Солтүстік Қазақстан облысында семинар өтті

4 наурыз күні Петропавл қалалық санитариялық-эпидемиологиялық бақылау басқармасында білім беру ұйымдарында тамақтану стандарты талаптарын енгізу және сақтау, сондай-ақ тағамнан уланудың алдын алу мәселелері бойынша семинар өтті.

Іс-шара басқарма басшысы

Д.У. Оспановтың төрағалығымен өтіп, оған медициналық қызметкерлер мен «Петропавл қаласының білім бөлімі» КММ өкілдері қатысты.

«Қазақстан Республикасы Денсаулық сақтау министрлігінің 2020 жылғы 21 желтоқсандағы № ҚР ДСМ-302 бұйрығымен бекітілген Тамақтану стандартына сәйкес мектептерде тамақтануды ұйымдастыру»тақырыбында СҚО санитариялық-эпидемиологиялық бақылау департаменті бөлімінің басшысы Г.А. Асылбекова баяндама жасады.

Қалалық басқарманың бөлім басшысы

А.С. Иргибаева білім беру ұйымдарында тамақтану стандарты талаптарын енгізу және сақтау бойынша медициналық қызметкерлерге арналған әдістемелік ұсынымдар туралы баяндады.

Басқарманың бас маманы

Б.С. Есингалиева тағамнан уланудың алдын алу шаралары жөнінде ақпарат берді.

Кездесу қорытындысы бойынша қатысушылар пікір алмасып, өздерін қызықтырған сұрақтарға жауап алды.