Білім және тәрбие ұйымдарында тамақтандыру стандартын енгізу

Білім және тәрбие ұйымдарында тамақтандыру стандартын енгізу.

 

2026 жылдың 1 қыркүйегінен бастап білім және тәрбие ұйымдарында сапалы және теңгерімді тамақтануды қамтамасыз ету, сондай-ақ білім беру ұйымдарында тамақтандыруды ұйымдастыру тетіктерін жетілдіру мақсатында әзірленген тамақтандырудың жаңа стандарты енгізілді.

Жоба білім және тәрбие ұйымдарында тамақтандыруға бірыңғай тәсілдерді қамтамасыз етуге, сондай-ақ асханасы жоқ азкомплектті мектептерде тамақтандыруды ұйымдастыру форматын қарастыруға мүмкіндік береді.

Стандарттың негізінде денсаулыққа пайдалы тамақтанудың заманауи халықаралық тәсілдері жатыр.

Ол қарастыратын негізгі өзгерістер:

Қант мөлшерінің айтарлықтай төмендеуі — 3,6 есе, ал тұздың — 5 есе (ДДҰ ұсынысы бойынша);

Көкөністер, жемістер және сүт өнімдерінің рациондағы үлесінің артуы;

Шұжық өнімдері, ысталған тағамдар, спредтер және қант пен тұздың жоғары мөлшері бар басқа да өнімдерді мәзірден шығару;

Тәтті сусындарды су, сүт, қышқыл сүт өнімдері, жеміс шайлары және қант мөлшері төмен компоттарға ауыстыру.

Сонымен қатар, Стандарт алғаш рет келесілерге қойылатын жеке талаптарды қамтиды:

Азкомплектті мектептерде тамақтандыруды ұйымдастыруға;

Арнайы диеталық қажеттіліктері бар балаларды тамақтандыруды қамтамасыз етуге.

Алғаш рет “Жемей қалдыру индексі” ұғымы енгізіледі — бұл тағам қалдықтарының сандық көрсеткіші, ол келесіні бағалауға мүмкіндік береді:

– балалар ұсынылған тамақтан қаншалықты қанағаттанады;

– мектеп тамақтандыруын ұйымдастырудың барлық жүйесі қаншалықты тиімді жұмыс істейді.

Стандартты іс жүзінде жүзеге асыру үшін:

– көп нұсқалы үлгілік мәзірлер әзірленді;

– ыстық тағамдар дайындау үшін жағдайы жоқ азкомплектті мектептерге арналған арнайы мәзір алғаш рет жасалды;

– жас ерекшеліктері, калориялылығы, маусымдылығы, сондай-ақ аспаздық бөлімшесі жоқ мектептердің ерекшеліктері ескерілді.

Үлгілік перспективалық мәзір ұсыныс сипатына ие және келесілерді ескере отырып бейімделуі мүмкін:

– ата-аналар мен балалардың пікірлері;

– жергілікті өнімдердің қолжетімділігі.

Жаңа Стандартқа сәйкес төрт апталық мәзірлер бекітілді;

– Оқу жылы ішінде енгізуді мониторингілеу, соның ішінде жемей қалдыру индексін бағалау жүргізіледі;

– Бұл индекс жоғарылаған жағдайда, тағамды құндылығы бойынша ұқсас, бірақ балалар үшін қабылдауға болатын басқа тағамға ауыстыруға рұқсат етіледі.

Ақпарат көзі : https://www.gov.kz/memleket/entities/kostanai-karabalyk-boskol/press/news/details/1177806?lang=kk