Қарағанды зообағы балалар мен ересектерді көктемнің басты мерекесі — Наурызды бірге атап өтуге шақырады. Қонақтар үшін аниматорлар, шеберлік сабақтары мен спорттық жарыстар қамтылған мазмұнды бағдарлама ұйымдастырылады.
Мерекелік шара 22 наурыз күні сағат 13:00-де басталады.
Алдымен жалпы ойын-сауық бағдарламасы өтеді. Қонақтарды балаларға арналған конкурстар, күш сынасатын жарыстар, ерлерге арналған көрсетілімдік жекпе-жектер және алып асықтармен ойын күтеді. Мерекелік шара екі тілде — қазақ және орыс тілдерінде жүргізіледі.
Сағат 14:00-де «Қазақстан жануарлары» атты квест басталады. Қатысушылар үш командаға бөлініп, әр топпен аниматорлар жұмыс істейді. Олар балаларға арналған қызықты әрі танымдық тапсырмалар дайындаған.
Сонымен қатар жас қонақтар үшін шеберлік сабақтары ұйымдастырылады. Балалар өз талғамына қарай бірнеше бағыттың бірін таңдай алады: ұлттық нақышта шопер сөмкелерін немесе ағаш бұйымдарды бояу, сондай-ақ балауыз негізінен сәндік шамдар жасау.
Ақпарат көзі : https://www.gov.kz/memleket/entities/digital-nauryz/press/news/details/1181010?lang=kk
Жауап қалдыру Жауапты болдырмау