Тұрғын үй алуға көмектесемін деген уәде қылмыстық іске ұласты: Абай облысының полицейлері алаяқтық схемасын әшкереледі

Семей қаласында екі әйел зардап шеккен өрескел алаяқтық схемасы әшкереленді. 35 және 33 жастағы әйелдер үшін бастапқыда тұрғын үй сатып алу бойынша қауіпсіз келісім болып көрінген жағдай ақырында қомақты қаржылық шығынға әкелді.

2024 жылдың желтоқсан айында 49 жастағы таныстары оларға пәтер сатып алуға көмектесуді ұсынған. Келісім жасауға жәрдемдесемін деген сылтаумен күдікті әйел жәбірленушілерді өзіне ақша беруге көндірген. Нәтижесінде олар 940 000 және 427 000 теңгеден айырылған.

Алғашында ұсыныс сенімді болып көрінгенімен, «тиімді мәміле» туралы уәденің артында мұқият жоспарланған алаяқтық тұрған.

Полиция қызметкерлерінің жедел әрі үйлесімді жұмысының арқасында күдікті тез арада анықталып, полиция бөліміне жеткізілді. Тергеу барысында ол алаяқтыққа қатысы бар екенін мойындап, кінәсін толық мойындаған.

Күдіктінің әрекеті алаяқтық бабы бойынша сараланды. Оған қатысты процессуалдық мәжбүрлеу шарасы ретінде келу міндеттемесі қолданылды.

Полиция ескертеді: жылжымайтын мүлікке қатысты кез келген мәміле мұқият тексеруді және ресми түрде рәсімдеуді талап етеді. Бейтаныс немесе аз таныс адамдардың «тез көмектесемін» немесе «тиімді сатып алу» деген уәделері қаржылық шығынға және қылмыстық жауапкершілікке әкелуі мүмкін

Ақпарат көзі : https://www.gov.kz/memleket/entities/mvd-abay/press/news/details/1180581?lang=kk