Абай облысында полиция қызметкерлері «Бірге кітап оқиық» акциясына қатысты

Абай облысы Полиция департаментінің қызметкерлері кітап оқу мәдениетін насихаттау мақсатында Абай атындағы әмбебап кітапханаға барып, «Бірге кітап оқиық» атты танымдық акцияға қатысты.

Іс-шара барысында полиция қызметкерлері кітапхананың бай кітап қорымен танысып, қазақ және әлем әдебиетінің таңдаулы шығармаларын парақтап, кітаптың адам өміріндегі маңызы туралы пікір алмасты.

Акцияның негізгі мақсаты – қоғамда кітап оқуға деген қызығушылықты арттыру, жастарды рухани-мәдени құндылықтарға баулу және білімге деген ұмтылысты қолдау.

Полицейлер мұндай мәдени-ағартушылық шаралар тұлғаның рухани дамуына оң әсер ететінін атап өтті. Олардың айтуынша, кітап оқу – ой-өрісті кеңейтіп, адамды ізгілік пен парасаттылыққа жетелейтін маңызды құндылық.

Шара соңында қатысушылар кітапхана қызметкерлеріне алғыс білдіріп, алдағы уақытта да осындай мәдени кездесулерді жалғастыруға ниет білдірді.

Ақпарат көзі : https://www.gov.kz/memleket/entities/mvd-abay/press/news/details/1183464?lang=kk