№11 ЖОББМ-інде Ұлыстың ұлы күні – Наурыз мерекесіне арналған шағынаудандық «Наурыз Fest» фестивалі өтті. Іс-шара «Дәстүр және заманауи тренд» тақырыбын айшықтап, №2 және №7 мектептердің оқушылары мен ұстаздарын бір шаңырақ астына жинады.
Мерекелік фестивальдің басты мақсаты – жас буынды ұлттық құндылықтарға баулу, Наурыздың мәнін терең түсіндіру және дәстүр мен заманауи стильдің сабақтастығын көрсету.
Айрықша назар практикалық шеберлік сыныптарына аударылды. Оқушылар қазақтың ұлттық ою-өрнегімен безендірілген заманауи шаш қыстырғыштарын жасап, ұлттық мәдениеттің күнделікті өмірде жалғасын табуына үлес қосты.
Наурыз – жаңару мен жаңғырудың бастауы. Дәстүр мен заманауи үрдіс тоғысқан фестиваль осы идеяны терең аша түсті.
Ақпарат көзі : https://www.gov.kz/memleket/entities/pavlodar-bilim/press/news/details/1182619?lang=kk
Жауап қалдыру Жауапты болдырмау